GESANG 074

1. "GOD IS LIEFDE !" JUIG ONS HARTE     
   EN BEDINK WAT LIEFDE DOEN:           
   DAT HY ONS SY SEUN GESTUUR HET       
   OM ONS SONDE TE VERSOEN.             

2. HY WAT EERSTE LIEFGEHAD HET          
   HET IN LIEFDE ONS VERGEEF -          
   NOU KAN ONS, UIT GOD GEBORE,         
   UIT DIE BRON VAN LIEFDE LEEF !       

3. DEUR SY GEES, DIE WONDERGAWE         
   LAAT HY WEDERLIEFDE SPRUIT;          
   EN DIE LIEFDE - WAT VOLMAAK IS -     
   DRYF DIE VREES EN SELFSUG UIT.       

4. AS DIE VADER IN SY LIEFDE            
   DAN DIE SONDAAR MAAK TOT KIND,       
   MAG SY SEUN AL MEER GESTALTE         
   IN ONS DOEN EN LATE VIND !